Предавањето се одржа на 30 септември 2016 год. во просториите на Филолошкиот факултет при Универзитетот „Гоце Делчев“ – Штип, во Кампус 4, и претставува само еден сегмент од многубројните активности на вработените и студентите во рамките на проектот „Стекнување и развивање на преведувачко-толкувачките компетенции кај студентите на насоката преведување и толкување преку примена на најновите транслатолошки достигнувања и технологии“. Проектот почна да се реализира во почетокот на 2016 година и се планира да продолжи да се интензивира во текот на 2017 година, со можност за продолжување. Во проектот се вклучени повеќе наставници и соработници од Филолошкиот факултет и сите студенти од насоките за преведување и толкување.

Проф. д-р Силвана Симоска ја искористи пригодата на Филолошкиот факултет да му подари десетина примероци од монографијата „Контрастивни проучувања: сложени именки во германскиот и во македонскиот јазик“, која студентите ќе можат да ја користат како дополнителна литература. Книгата е веќе достапна во библиотеката на Кампус 4.