(Видео) Студентите од ФТБЛ со врвни резултати на натпревар по гастрономија во Босна и Херцеговина

- Дек 02, 2016

Поврзани вести

Студентите од Факултетот за туризам и бизнис логистика освоија две втори и две трети места на натпреварот по гастрономија и диететика во Бања Лука, Босна и Херцеговина. Студентите на овој натпревар во конкуренција од професионални готвачи ги освоија одличните две втори и две трети места. Речиси во сите категории студентите од Факултетот за туризам и бизнис логистика од УГД освоија награда и се натпреваруваа рамо до рамо со професионални готвачи од целиот Балкан.

Станува збор за меѓународен натпревар со голем рејтинг на Балканот и сакам во оваа пригода да изразам голема благодарност до нашите колеги кои направија сѐ за да се претстават одлично и да се закитат со овие награди. Сите беа професионални готвачи од повеќе земји од Балканот, но тоа не нѐ обесхрабри и постигнавме навистина добар резултат изјави Марија Вагелова, студентка на ФТБЛ и еден од учесниците на натпреварот во Босна и Херцеговина.

Натпреварувањето се одржа минатиот викенд, а студентите беа под менторство на професорите Дејан Методијевски и Оливер Филипоски.