- Јас сум апсолвент на Филолошкиот факултет. Мене УГД ми помогна да се стекнам со големо искуство и да настапам на голем број натпревари во областа на каратето. УГД ми помогна да настапам на светски и европски првенства. Можам да кажам дека тие првенства беа отскокна штица во мојата кариера и ми помогнаа многу да продолжам да постигнувам резултати во мојата кариера.изјави Емил Павлов, кој е каратист и студент на УГД

Тој со присутните го сподели своето искуство од светските и европските првенства и ги мотивираше сите студенти да се занимаваат со спорт. Покрај Емил, се претстави и студентот Страхил Тодоров кој е апсолвент на Факултетот за медицински науки.

- Денес како резултат на празнувањето на Денот на македонските студенти добив покана и секако со задоволство ја прифатив да бидам дел од овој настан. Во текот на студирањето имам неколку свои студиски престои во Португалија, Германија и во Србија. Особена чест и задоволство ми е што овие шест години ги поминав на Факултетот за медицински науки и благодарност до овој Универзитет. Во иднина желба ми е да специјализирам кардиологија. Моментално работам на мојата дипломска работа од областа на интервентната кардиологија.истакна Страхил Тодоров

Страхил пред своите колеги порача дека успехот се состои од многу мали победи и посочи дека сите работи што ги прават студентите во текот на студирањето се дел од некои мали победи.

Од Факултетот за туризам и бизнис логистика се претстави студентката Андријана Мижорова.

- Моментално сум на постдипломски студии на Факултетот за туризам и бизнис логистика. Овој Факултет ни овозможува добри услови за студирање и многу пракса. Јас лично поминав одлични студиски престои во Шпанија и сум еден од најдобрите студенти на овој факултет. Моментално дипломата ми помогна да влезам во меѓународна програма на интернационалната организација за мигранти.

На презентацијата се претстави и студентот Илија Белистојановски од Музичката академија, но поради неможноста да присуствува тој имаше свое видео излагање. Тој со својот одличен глас настапувал на сцената на Македонската опера и балет, каде што освоил голем број награди и признанија. На видеото подолу можат да се видат дел од студентските приказни и нивните презентации.

Покрај студентските приказни, денес беше презентиран и порталот на УГД http://life.ugd.edu.mk.