Се бара иновативна студентска идеја за справување со глобалното затоплување

- Мај 09, 2016

Поврзани вести

Најиновативната идеја за справување со глобалното затоплување ќе биде наградена со 10.000 американски долари, од кои 90% ќе бидат искористени за реализирање на идејата. Ова е дел од предизвикот за студенти кој е објавен од страна на Програмата за развој на Обединетите нации (УНДП) и Агенцијата за меѓународен развој на Соединетите Американски Држави (УСАИД), во партнерство со Амбасадата на Шведска, Министерството за животна средина и просторно планирање, Милиеуконтакт Македонија и Факултетот за информатички науки и компјутерско инженерство.

Поучени од искуството со минатогодишниот предизвик и согледувајќи ги предностите од поголема соработка со академскиот сектор, оваа година партнерите на климатскиот предизвик би сакале да воспостават поблиска соработка со заинтересираните студенти кои можат да аплицираат со своја иновативна идеја или да се вклучат како поединци/групи и поддршка за изработка на одреден прототип кој ќе биде од интерес за нив.

Поканети се сите студенти да достават предлози за иновативни проекти насочени кон сеопфатна цел на „урбана отпорност“ за: борба против климатските промени, намалување на загадувањето, заштита на зелените површини, намалување на цврстиот отпад.

Работилницата за детално појаснување на овој проект ќе се одржи на 17 мај 2016 година (вторник) во просториите на Кампус 2 (свечена сала на Земјоделски факултет при УГД) во 12 часот.

Се покануваат сите заинтересирани студенти да присуствуваат на интерактивната работилница на којашто ќе се информираат за поимите климатски промени и урбана отпорност, за правилата на натпреварот, како и за генерирање идеи кои би можеле да се пријават.

Детали за настанот можат да се најдат на следниов линк http://odtebezavisi.mk/home/

Последен пат изменето на Понеделник, 09 Мај 2016 13:12

Одбележен под