Соработката меѓу нашите универзитети е дел од добрата соработка што ја имаат Руската Федерација и Република Македонија. Соработката ќе биде во делот на образованието, со аспект на бизнис образованието и практичниот консалтинг. Во последно време, соработката помеѓу Руската Федерација и Р. Македонија се развива доста успешно. Дел од оваа соработка ќе биде и заедничка меѓународна конференција која ќе се одржи наредната недела на Економскиот факултет на УГД. Првпат сум на УГД, сум бил досега на универзитети во Хрватска и во Србија. За УГД погледнав претходни информации од веб-страницата и сметам дека е еден од најуспешните универзитети во Западен Балкан, кој многу динамично се развива. Мислам дека ќе имаме одлична соработкаизјави Власов Роман Генадиевич

За ректорот Боев потпишувањето на Договорот за соработка е последица на тоа што е договорено за време на посетата на амбасадорот на Руската Федерација на УГД:

Соработката со Универзитетот во Омск е во областа на економијата и бизнисот, се организира една значајна меѓународна конференција која од понеделник ќе се одржи на Економскиот факултет. Меѓународната соработка е високо позиционирана во агендата на Универзитетот и таа и понатаму ќе биде нагласено присутна, бидејќи како универзитет не е добро да се затвориме, туку мора да бидеме отворена структура за сите кои доаѓаат од кој било дел од светот, а посебно со оние земји кои се економски силни, моќни, бидејќи ние како држава треба да имаме такви соработки, а и Универзитетот да има таква соработка на план на образованиетоизјави ректорот на УГД, проф. д-р Блажо Боев