ДААД стипендијата им нуди можности на студентите од Македонија да го изучуваат германскиот јазик на некој германски универзитет или институт. Со стипендијата се покриваат целокупните трошоци на студентите за време на престојот, а програмата на курсот нуди организиран број на часови, изучување на германскиот јазик преку проекти, најразлични дискусии на одредени теми, читање на германска литература, изучување на германската култура преку организирани екскурзии и посета на знаменитости. Изучувањето на германскиот јазик во матичната земја претставува голема можност за студентите од Катедрата за германски јазик и книжевност, но и за сите останати студенти од други катедри кои имаат желба да стекнат поголеми знаења за германскиот јазик, како и за други научни и технички области.

Аплицирањето се врши секоја година во ноември, а само најдобрите студенти од државата ја добиваат стипендијата.