Овде има материјали за руска и словенска филологија, зборник на трудови од конференцијата „Книгата во современиот свет“. Има и ненаучни изданија, како што е Зборникот на поезија кој ние го издаваме заедно со ваши колеги. Ова е само еден дел од нашите активности и ве покануваме сите да учествуватеистакна претставничката од Универзитетот во Воронеж, Софија Заболотнаја

Сите книги се на руски јазик и би можеле да им помогнат на студентите во изучување на рускиот јазик.

Се надевам дека и понатаму ќе ја продолжиме соработката што ја има овој факултет со руските универзитети. Амбасадата ќе помогне за зголемување на фондот на научната библиотека. Мислам дека сте во тек, УГД многу се залага за соработка со водечките универзитети во Русија и тоа директно влијае врз вас, бидејќи станува збор за студентска размена, а тоа значи дека можете да ја посетите Русија и обратно. Имате можност за комуникации и запознавање со Русија и руските студенти. Со тоа, се надевам, вие ќе создадете една позитивна слика за Русија. Им посакувам на Универзитетот „Гоце Делчев“ и на Филолошкиот факултет да ја продолжат соработката што веќе е започната. Тоа е голем старт и ќе продолжиме и понатамуистакна аташето за култура во Амбасадата на Русија во Македонија, Михаил Лушин

На доделувањето на книгите присуствуваа и студенти кои учат македонски јазик во Русија и тие имаа можност да се запознаат и да разменат меѓусебни искуства со студентите од УГД.