Универзитетот, заедно со Агенцијата за вработување на Македонија - Центар за вработување во Кавадарци и компании од Кавадарци понудија дополнителни информации за можностите што ги нудат за учење, стипендирање, практична работа, но и дефицитарноста на професионален кадар со кој се соочуваат. На трибината, која се одржа во Домот на културата „Иван Мазов – Климе“ во Кавадарци, како претставник на УГД се обрати проректорот за настава, доц. д-р Кирил Барбареев, кој говореше за позитивните искуства од досегашната соработка на Универзитетот со стопанскиот сектор, можноста студентите практичната настава да ја одржуваат во фирмите со кои има соработка, а со тоа и можноста полесно да се дојде до работа по завршувањето на студирањето.

Кавадарчани имаа можност да се запознаат со студиските програми, можностите и условите за студирање на УГД и преку штанд што беше поставен пред Домот на културата, каде што можеа да ги добијат сите потребни информации.