Во принцип вработените од центрите за меѓууниверзитетска соработка ги посетуваат другите центри и воспоставуваат цврсти врски со цел да им овозможат на останатите студенти и вработени да одат на размена. Целта е да воспоставиме подобри врски со универзитетите за да има размена. Ќе имам средба со професорите од Економскиот факултет и од Земјоделскиот факултет и таму ќе стане збор за конкретните соработки. Со оглед на тоа дека ние сме само Стопанска академија можеме да воспоставиме соработка со Економскиот факултет, но имаме и оддел Земјоделска економија, па можеме да соработуваме и со Земјоделскиот факултетвели Мартина Ѓорѓиева од Академијата во Свиштов

Ѓорѓиева вели дека досега немало интерес од страна на бугарските студенти за престој во Македонија, но дека со потпишувањето на договорот и воспоставувањето на соработката тоа ќе се промени.

До сега нема некој интерес кај нашите студенти, но со воспоставување на соработките можеме да ги насочуваме студентите на Еразмус посети во Македонија и во таа насока се и овие посети кои ги правимевели Ѓорѓиева

Академијата од Бугарија годишно на Еразмус размена испраќа околу 20 студенти, а од минатата година се дел од програмата за испраќање на студенти и надвор до Европската Унија, па и таму има голем интерес. Според зборовите на Ѓорѓиева овие посети значително ќе ги зајакнат врските меѓу двата универзитети и се очекува во многу скора иднина да произлезат заеднички активности.