Тркалезна маса „Квалификација и кариерен развој на учителите, директорите и останатите педагошки специјалисти“

- Ное 18, 2016

Поврзани вести

Со цел да се интензивира соработката меѓу Факултетот по педагогија при Универзитетот „Неофит Рилски“ во Благоевград, Р. Бугарија, и Факултетот за образовни науки при Универзитетот „Гоце Делчев“ – Штип се одржa тркалезна маса на тема „Професионален и кариерен развој на учителите, директорите и останатите педагошки специјалисти“ во која учествуваа по седум професори и асистенти од двата факултети. Како претставници на ФОН на тркалезната маса учествуваа проф. д-р Соња Петровска, како и проф. д-р Блажо Китанов, Никола Смилков, Стеван Алексоски, Снежана Ј. Митковска, Снежана Мирасчиева, Емилија П.Ѓорѓева, Кирил Барбареев, доц. д-р Деспина Сивеска и ас. док. Јадранка Рунчева.

Учесниците од Факултетот по педагогија на Универзитетот „Неофит Рилски“ ги предводеше деканот на факултетот доц. д-р Трајан Попкочев, а учествуваа и доц. д-р Красимира Марулевска и Даниела Томова, гл.ас. д-р Јулијана Ковачка, Блага Џорова и Невјана Докова и ас. д-р Стефан Кинов.

Тркалезната маса претставува форма низ која се обезбедува вмрежување на истражувачките тимови на сродни научни проекти со наслови „Квалификација и кариерен развој на учителите, директорите и останатите педагошки специјалисти“, Факултет по педагогија, Благоевград и „Професионален развој на наставниците во Р. Македонија – состојби и перспективи“.

Во рамките на оваа тркалезна маса беше остварена и официјална средба меѓу деканите на двата факултети, проф. д-р Соња Петровска и проф. д-р Трајан Попкочев, на која се разгледаа можностите за соработка и мобилност на наставно-научниот кадар и студентите во рамки на програмата „Еразмус +“ и студиските програми за одделенски наставници и воспитувачи.