Официјалниот дел од Конгресот се одржа на Природно-математичкиот факултет во Нови Сад, во чиј состав работи Факултетот за туризам, а работата беше поделена во три пленарни сесии. Првата беше посветена на фестивалскиот туризам, а предавачи беа Јасна Поточник-Таплер од Универзитетот во Марибор, Р. Словенија, Роб Дејвидсон од MICE Knovledge во Лондон, Душан Ковачевиќ, директор и основач на Exit festival во Нови Сад и Алан Џепсон од Универзитетот во Хердфоршир, Велика Британија.

Тие говореа за влијанието и придонесот на фестивалите во промовирањето на градовите и збогатувањето на туристичката понуда, а со тоа и ефектот од туризмот. Инаку, дел од предавачите се задржаа и на податокот дека Нови Сад ќе биде европска престолнина на културата во 2021 година.

Веб-маркетинг туризам беше темата на втората пленарна сесија, а на оваа тема говореа Мартина Анџелковиќ од „Мајка дел мадре“ во Белград, Димитриос Бухалис од Универзитетот во Борнмаут, Велика Британија и Игор Гримша од „Дегордиан“ во Белград.

Последната сесија беше посветена на новите концепти во хотелскиот менаџмент, а за овој дел предавачи беа Ирина Томиќ од Хотел „Будва“ во Хрватска и Радослав Обрадовиќ од „The Dorchester“ во Лондон.

Видео