Ќе зборувам за темата стрес, која е многу актуелна низ сите векови. Нема поголема повреда во нашиот организам од онаа што може да ја предизвика стресот. Сите други фактори се актуелни, но стресот е најактуелен. Во наносекунди стресот може да нѐ возбуди и да предизвика физички реакции изјави професорот Чепреганов.
Теодора Костовска од „Art of Living” зборуваше за емоционалната интелигенција и како да се справиме со емоциите.
Практично, она за што денес ќе зборуваме е нашиот личен однос кон нештата кои ја креираат ситуацијата односно внатрешната состојба. Од внатрешната состојба зависи како ние ќе реагираме или ќе се однесуваме. Во доменот на емоционалната интелигенција е многу важно човек да ги препознае емоциите уште во нејзиниот зародиш, да ги процесира и на адекватен начин да даде одговор истакна Теодора Костовска.
Целиот настан беше во организација на Факултетот за образовни науки и професорот д-р Кирил Барбареев, кој истакна дека на оваа трибина се присутни студенти и професори од многу факултети при УГД.
Идејата е студентите во текот на своите студии да стекнат една култура на користење на овие информации за тоа што ни се случува во текот на денот. Дел од предавањето е многу корисно за студентите на Факултетот за медицински науки, но ова предавање е корисно и за останатите присутни. Гледаме дека има голем број заинтересирани студенти, но и граѓани изјави проф. д-р Кирил Барбареев.
Заклучокот на предавањето беше во насока дека може да се менаџира стресот и да се научи како да се контролираат емоциите. Сите присутни, кои беа во огромен број, се задоволни од она што имаа можност да го слушнат.
