Во рамките на конференцијата на Националната агенција за европски образовни програми и мобилност Универзитетот имаше и своја презентација со цел да ги сподели своите искуства во искористувањето на поволностите од овие програми.

На конференцијата беше истакнато дека покрај „Еразмус плус“, стратешка цел на Националната агенција за европски образовни програми и мобилност е да биде одговорна и во своја надлежност да ги преземе и останатите европски иницијативи и мрежи од областа на образованието, обуката и младите. Националната агенција ги имплементира европските иницијативи од областа на образованието и младите: Еуропас, Еуродеск, Евридика, Еурогајденс, еТвининг, ЕкВет и Јут.