Заинтересираните средношколци и сите останати граѓани кои ќе ја посетат оваа манифестација ќе можат да ги добијат сите потребни информации поврзани со можностите за студирање што ги нуди УГД, и тоа како од промотивниот материјал што ќе го добијат, така и во директен контакт со професори, асистенти, но и со студенти на УГД. Во рамките на Денови на образование и кариера ќе се одржат и други манифестации, а во рамките на нив своја ревија ќе има и Технолошко-технички факултет при УГД. Програмата на овогодишните Денови на образование и кариера е збогатена и со многу трибини со теми од образованието и културата. Истовремено со Денови на образование и кариера на Скопски саем се одржуваат и Саем на книгата и Саем на туризам.