Овој фестивал на отворено, кој претставува извонреден спој на науката, младоста и спортската авантура, уште со своето деби минатата година постигна полн погодок, ги освои срцата на вистинските љубители на природата со над 3 000 посетители и претставува вистински пат за развивање на еко и геотуризмот во овој дел на Македонија.

Официјалното отворање го направи најпознатиот македонски автомобилист Игор Стефановски - Иџе, по што следуваа големата и малата велосипедска тура, големата и малата планинарска тура во координација со Спортско-планинарското друштво „Орле“ - Кавадарци, како и стартот на планинарскиот маратон во координација на Атлетскиот клуб „Меридијан“ - Кавадарци. Детали и атмосферата на настанот можат да се видат во видеото во продолжение.