Спивак им пренесе знаења за тоа како да истражуваат одредена новинарска приказна или како да дојдат до информации кои владите сакаат да ги скријат од новинарите.

• Најважно во истражувачкото новинарство е да не верувате никому и секоја информација да ја проверите. Ние во САД на шега велиме ако вашата мајка ви каже дека ве сака, проверете го тоа. За новинарите најважно е да ги проверуваат сите вести и сите извори на информации. Било кој владин извор треба да се провери. Новинарството е клучно за развојот на демократијата, колку поразвиено новинарство толку поразвиена демократија - вели Спивак.

Миранда Спивак моментално работи како професор на Универзитетот „Де Пау“ во Индијана, САД, а во Македонија е како стипендист на програмата Фулбрајт. Воедно таа е истражувачки новинар во независниот центар за истражувачко новинарство „Reveal”. Спивак е добитничка на бројни престижни новинарски награди, а долго време била уредник и новинар во весникот „Вашингтон пост“.

На Универзитетот „Гоце Делчев“ е по покана на уредникот на Универзитетското радио и ТВ на УГД, м-р Игор Стојанов и на проф. д-р Страшко Стојановски од Правниот факултет. Универзитетското радио и ТВ реализираа и интервју со Миранда Спивак кое може да се погледне во продолжение. 

Видео