„Ова е една од активностите на Спортскиот центар и Универзитетот. Целта ни е да се зближат вработените, да имаат заеднички спортски активности и да го мотивираме спортскиот дух кај нашите вработени и студенти. Универзитетот преку целата година организира настани кои значат зајакнување на тимовите во УГД и поврзување на вработените со студените, ова е еден од тие настани“, велат од УГД.

Скопскиот маратон е годишен маратон кој се одржува во мај во Скопје.

Скопскиот маратон за првпат бил одржан во 1997 година, потоа и во 1998 година, но веќе следната година бил откажан главно поради финансиски причини. По деветгодишна пауза, во 2007 година, маратонот бил возобновен со полумаратонска трка и трка на 5000 метри, а потоа во 2008 година целосно обновен и биле одржани три трки: маратон, полумаратон и трка на 5 километри.