Конференцијата беше во организација на Факултетот за хотелиерство и туризам во Врњачка Бања, додека Факултетот за туризам и бизнис логистика учествува како коорганизатор на конференцијата.
На конференцијата присуствуваа бројни гости од Србија и од странство, претставници на јавни институции, локални власти, претставници на високообразовните институции, претставници на амбасади, претставници од Министерството за образование, наука и технолошки развој на Република Србија, претставници на Министерството за трговија, туризам и телекомуникации на Република Србија, како и учесници од Индија, Русија, Португалија, Танзанија, Порторико, Бугарија, Либан, Словачка, Романија, Северна Македонија, Босна и Херцеговина, Црна Гора, Хрватска, Србија, студенти, вработени и претставници на медиумите.
Целта на Меѓународната научна конференција беше размена на идеи и искуства на учесниците од Србија и од странство со заклучок за идниот развој на туризмот, со посебен акцент на влијанието и важноста на туризмот во генерирање нови работни места, намалување на невработеноста и зголемување на животниот стандард.
Во текот на конференцијата факултативно беа посетени: градот Краљево и дестилеријата „Крстиќ“ во Општина Ратино, Краљево, која е во сопственост на Ненад Крстиќ, поранешен професионален кошаркар од Република Србија.
