За оваа пригода говорник беше Дејвид Пенуел, дипломат од Амбасадата на САД во Р. Македонија, кој работи во Одделот за менаџмент информациони системи. Студентите од трета и четврта година имаа можност да научат повеќе за трите основни начини кои ги напаѓаат системите или мрежите: преоптоварување, манипулација со податоци и преземање на податоци.
Говорникот потенцираше дека криминалот што постои во реалниот живот со постоењето на интернетот се олеснува. Во оваа категорија беа спомнати трговијата со луѓе, измама со кредитна картичка, кражба на идентитет и проневера. За крај беа споделени некои совети за заштитта на интернет, како што се силни лозинки и кориснички имиња, редовна промена на истите, да не се користи истата е-адреса (мејл) и лозинка за повеќе сајтови, постојано да се надградува софтверот и, секако, консултација со ИТ професионалци.
