Предавач на вчерашното предавање беше Сем Вадар, чиешто гостување беше овозможено од Амбасадата на САД во РМ и Американското катче во Штип. Вадар одржа интересна и мотивациска презентација пред студентите од четврта година споделувајќи го своето досегашно лично и професионално искуство.

Инаку Сем Вадар е социјален претприемач, извршен директор и коосновач на Millennium Campus Network (MCN). Преку своите иновативни програми за стипендирање, годишна конференција и грантови, MCN работат на создавање на следната генерација глобални лидери на кампуси низ Америка. Вадар го има претставувано MCN на бројни светски лидери меѓу кои и претседателот Барак Обама и државниот секретар на САД Џон Кери.