Наградата е доделена како резултат на освоеното трето место на Универзитетските спортски игри „Спорт фест 2015“ на кои УГД зема учество со екипите во футсал, одбојка, кошарка и пинг-понг, како и нивното континуирано учество на натпреварите од државните универзитетски лиги во организација на Универзитетската спортска федерација на Македонија.
Наградата беше доделена врз основа на гласање од сите спортски федерации во Македонија и истата претставува потврда за сите залагања на студентите и Универзитетскиот спортски центар за афирмација на спортот и Универзитетот во меѓународни рамки. Од име на УГД студентите и вработените во Универзитетскиот спортски центар својата благодарност до организаторите, но и до Ректорската управа и останатите структури на УГД кои континуирано и безрезервно го поддржуваат спортот на Универзитетот, ја изразија студентот Иле Синев, член на футсал тимот и доц. д-р Билјана Попеска, раководител на Универзитетскиот спортски центар.
Екипата на УГД се најде на исто место со останатите најдобри во Македонија - Кире Лазаров, Машката ракометна репрезентација, Женската карате федерација на Македонија и многу други афирмирани спортски екипи и поединци.
