Натпреварите се одржуваат во Спортската сала „Јордан Мијалков“ во деновите 22 март  - баскет, 23 март – пинг-понг и 24 март - одбојка. Наградите на најуспешните ќе им бидат доделени на 27 март (недела) за време на одржувањето на Велосипедската трка „Со велосипед на факултет“. Екипите победници во сите категории минатата година учествуваа на бројни меѓународни натпреварувања – на Универзитетските игри во Истанбул „Sport fest“ во мај минатата година, одбојкарите и одбојкарките учествуваа на турнирот во одбојка на плажа во Лозенец (Бугарија) во септември 2015 г., а победниците од лигата во баскет и мал фудбал учествуваа на пријателски натпревари во Софија (Бугарија). Оваа традиција на учество на победниците од универзитетските лиги на меѓународни универзитетски натпревари ќе продолжи и оваа година. Засега е најавено учеството на Универзитетските игри во Антверпен (Белгија) во април и на Универзитетската олимпијада во Загреб (Хрватска) во јули. Отворени се и поканите за универзитетски натпревари во Истанбул, Варна и во Белград.

Организатор на Универзитетските спортски лиги и на гостувањата кои произлегуваат од нив е Универзитетскиот спортски центар на УГД.