- Уште пред да дојдам во Македонија кажав дека една од моите најважни цели е да ги зајакнам врските меѓу универзитетите и меѓу студентите. Секој Универзитет ширум светот се обидува да биде дел од глобалниот систем, и многу е важно за студентите ди факултетите да изградат размена со колегите не само во регионот, туку и ширум светот. Горд сум што Амбасадата има соработка со УГД во повеќе различни области, и го вклучуваме и Правниот факултет, кој ќе го посетам денеска. Исто така соработуваме и во областа на науката, но и во повеќе проекти, за кои ме информираше Ректорот. Затоа, јас гледам важна улога , моја и на Амбасадата во градењето на врски помеѓу нашите земји да градиме врски и помеѓу универзитетите. Затоа иднината на нашите земји е уште поефективно да соработуваат, да комуницираат, и посилно да биде нашето партнерство.
Ректорот Боев истакна дека за УГД е особена чест што Амбасадорот на САД господинот Бејли е во посета на УГД:
- Задоволство ни е што можевме да поразговараме со господинот Бејли за соработката со американските универзитети и воопшто со нашето присуство на американскиот простор во делот на образованието, науката и истражувањата. Од негова страна беше искажано задоволство што е денеска на нашиот универзитет, за кој смета дека е еден од подобрите во Р. Македонија и за кој смета дека треба да се најде поголема форма за соработка со американските универзитети. Тој денеска ќе одржи предавање на Правниот факултет во рамките на нашата соработка со Амбасадата на САД во Р. Македонија и мислам дека во иднина ќе ја продлабочиме оваа соработка во насока на истражување, соработка со универзитетите, размена на студенти, наши студенти кои ќе заминат во САД и студенти од САД кои ќе дојдат на УГД. Мислам дека ова е една добра пирлика да ја продолжиме соработката, бидејќи господинот Бејли е голем пријател на Република Македонија и од друга страна и голем пријател на нашиот Универзитет.
Амбасадорот на САД во Р.Македонија, господинот Џес Бејли пред студентите на Правниот факултет одржа предавање за Изборите во САД.
