Подеталната анализа покажала дека се работи за криовулкани – вулкани кои наместо вжештена лава исфрлаат вода, метан и амонијак.

Вулканите се високи четири километри, широки околу 160 километри, а според обликот се многу слични со вулканите на Земјата. Откритието на криовулканите е најзначајното откритие добиено од сондата „Нови хоризонти“, бидејќи покажува дека дури и на мали небесни тела, како што е Плутон, е  можно да се генерира топлина потребна за геолошки процеси.

Првите претпоставки се дека веројатно станува збор за распаѓање на радиоактивни елементи кои останале заробени во внатрешноста на Плутон уште при нејзиното формирање пред 4,5 милијарди години. Со тоа се создава доволно топлина којашто ги топи ледените површини и на тој начин се создаваат криовулканите.

Вакви вулкани досега се откриени на Нептун и на Сатурн.

Извор: http://www.iflscience.com/.