Преку бројни студии на лексиконите на боите низ светските јазици, категоричната перцепција на боите се смета дека е под силно влијание на јазикот. Така, дали јазикот влијае врз нашата перцепција на боите е дебата која трае долги години.
Новата јапонска студија покажува дека боите и нивните категории можат да бидат перципирани независно од јазикот, барем во првите месеци од животот, кога кај бебето се оформува визуелниот систем.

Испитани се бебиња од пет до седум месеци за да се покаже дали мозочната активноста се менува при прикажување на различни бои.

Доказите покажаа дека мозочната активност се зголемува во голема мера кога на бебињата им се прикажуваат сина и зелена боја, додека на нијансите на овие бои немало некаква посебна промена во мозочната активност кај бебињата.

Промената на мозочната активност е забележана во десната мозочна хемисфера.

Бидејќи за процесирањето на јазикот, кај повеќето возрасни луѓе е одговорна левата мозочна хемисфера, оваа промена на мозочната активност во десната хемисфера при перципирањето на боите нема никаква врска со јазикот и неговото разбирање, велат јапонските научници.

Како што заклучуваат тие во нивната студија објавена неодамна во списанието „Proceedings of the National Academy of Sciences“, перцепцијата на боите се развива независно од совладувањето на јазикот.

Извор: www.sciencedaily.com.