„Типичен пример за кооперативност на роботи е помеѓу мобилен робот на земја и во воздух. Таков еден роботски систем се одликува со комплементарност. Информациите кои мобилниот робот на земја не е во состојба да ги собере, се достапни од леталото и обратно, деталите за состојбата на полето со некое растение, ги обезбедува мобилниот робот на земја“ - изјави профeсорoт д-р Сашо Коцески, раководител на научниот проект.
Проектот предвидува користење на теренски мобилен робот и летало, а развојот на техниките за кооперативно мапирање и локализирање ќе биде насочено кон истражување во следниве области:
- Компјутерска визија и работа со единечна видео камера за 3Д мапирање на околина
- Работа со камера со слики во близу инфрацрвен спектар за естимација на приносот т.е. количеството на производство
- Сензорска фузија на мерења од леталото и мобилниот робот за естимација на нивната позиција, брзина и ориентација.
- Комуникациски ограничувања и грешки кои настануваат при размената на информации помеѓу роботите и нивното влијание на позицијата, брзината и ориентацијата.
