Дел од работниот тим од Земјоделскиот факултет и Факултетот за информатика, заедно со колегите од Агенцијата за поттикнување на развојот на земјоделието како и претставници на Федерацијата на органски производители во Македонија, беа во неколкудневна посета на Ханија, со цел размена на знаење во областа на органското производство, како и имплементација на информатичките системи во заштитата на растенијата.
Планот во реализација на идеално софтверско решение богато со информации во насока на подобрување на производните капацитети на една култура на сметка на намалување на хемиските третмани или користење на најсоодветните пестициди во заштитата на растенијата продолжи на Аграрниот универзитет во Пловдив.
Колегите од Пловдив направија богата програма во комбинација на теоретски и практични искуства, преку организирана посета на органски производствени капацитети (лозови насади и пчеларник).
За реализација на идеите поставени како цели во проектот, активностите ќе продолжат со понатамошна заедничка средба во мај, повторно на Универзситетот во Пловдив, со цел изработка на софтер и информативен материјал на ниво на култури, органско производство, како и примена на мерки за заштита на растенијата.