Шведските истражувачи во листовите од розата и природните жили на растението поставиле полимерни жици од типот педот-с кои преку растителните ткива ја пренесуваат водата низ растението.

Покрај ова, научниците ги прелиле листовите на розата со друг вид на полимер кој создава „пиксели“ кои ги зафаќаат растителните вени. Со праќање на електрохемиски сигнали низ растителните вени се активираат пикселите кои ја менуваат бојата на листовите од светлозелена во темнозелена.

Раководителот на иноваторскиот тим, Магнус Берген, смета дека електронски надградените растенија ќе влијаат за подобро разбирање на функционирањето на растителниот свет. Според него, ова истражување ќе помогне и во создавање на интегрирани технологии, како што се биосензори, специјални ќелии врз база на фотосинтеза, регулатори на растот, но и уреди кои ќе ги следат внатрешните функции на растенијата.

Извор: www.sciencemag.org.