Приказ на предметите според таг: nauka

На 27.5.2017 година, Факултетот за туризам и бизнис логистика при Универзитет „Гоце Делчев“ – Штип организираше Научно-стручна конференција на тема „Состојби и перспективи во туризмот, економијата и бизнис логистиката“, која се одржа во просториите на Кампус 4. Овогодишната конференција, која е втора по ред, имаше меѓународен програмски одбор.

Факултетот за туризам и бизнис логистика организира Меѓународна научна конференција насловена „Предизвиците на туризмот и бизнис логистиката – ИСЦТБЛ 2017“. Конференцијата ќе се одржи на 24 и 25 октомври, а како коорганизатори се јавуваат повеќе универзитети во Македонија, Бугарија, Косово, Србија и во Грција.

Истражувачки тим од Универзитетот „Гоце Делчев“ е дел од конзорциумот партнерски институции коишто ќе соработуваат во реализацијата на научноистражувачкиот проект со наслов “A Field Detector for Genotoxicity from CBRN and Explosive Devices” финансиран од НАТО.

Филмот насловен „Хидрогеолошки карактеристики на изворската пештера Слатински Извор“ денес беше промовиран во Кампус 2 на УГД. Автор на филмот е Билјана Гичевска, истражувач и научник, а продукцијата е на Универзитетската телевизија и Филмската академија при УГД.

Универзитетот „Гоце Делчев“ заедно со Институтот „Светот на Турција“ - Турција неодамна организираа Меѓународен научен симпозиум кој се одржа во Анталија, Турција. На овој настан учествуваа повеќе странски и домашни научници, а УГД доби и признание и плакета за промоција на турскиот јазик надвор од Турција кои му беа врачени на проректорот проф. д-р Кирил Барбареев од страна на претседателот на Институтот, проф. д-р Неџати Демир. На отворањето на настанот, покрај проректорот Барбареев, поздравен говор имаше и деканот на „Гази Универзитетот“, проф. д-р Гијасетин Ајтач.