Приказ на предметите според таг: umetnost

Камерното дуо Златка Митева (флејта) и Наташа Трбојевиќ (пијано), професорки на Музичката академија при УГД – Штип, ја добија наградата „Георги Божиков“, која СОКОМ ја доделува на музички уметници и ансамбли за најуспешна јавна изведба на дела од македонски композитори во текот на една година. Наградата се однесува за 2019 година.

Музичката академија при УГД заедно со Универзитетот за уметности во Белград се коорганизатори на Балканскиот џез фестивал „Balkan Youth Jazz Orchestra“. Главен организатор на настанот е невладината организација „Jazz Art”, а неодамна распишаа Повик за учество на млади џез уметници.

Музичарот Васил Хаџиманов, професор на Музичката академија при УГД, е добитник на наградата за најдобар џез пијанист на електричен клавир, која му е доделена на 41. Annual Jazz Station Awards.

Студентите и магистрантите од класата на проф. д-р Емилија Потевска-Попивода активно работеа и во време на самоизолација. Приспособувајќи се на новиот привремен начин на комуникација и одржување на концерти, го подготвија видеоконцертот „Во светот на чудата“.

Танчарите од „Скопје танцовиот театар“ заедно со студенти од штипскиот универзитет направија интересно видео со кое го честитаат денешниот Светски ден на танцот.