Приказ на предметите според таг: umetnost

По одличниот настап на Петрит Чеку, Антонијо Китановски и Ема Попивода и по незаборавниот концерт на Влатко Стефановски и Мирослав Тадич, Универзитетот „Гоце Делчев“ го најавува и последниот концерт од проектот Уметничка пролет на УГД.

Доц. м-р Благица Поп Томова и проф. д-р Милица Шкариќ на 22 мај ќе одржат рецитал во Њујорк. Двете уметници ќе се претстават со песни за сопран и пијано од П. И. Чајковски, С. Рахмањинов, македонските композитори Т. Зографски, Т. Прокопиев, Г. Гавриловски и арии од В. Белини, Џ. Пучини, А. Каталани и Ш. Гуно.

Концерт пред штипската публика и предавање пред студентите на Музичката академија одржаа двајцата големи музичари Влатко Стефановски и Мирослав Тадиќ. Мастеркласот двајцата виртуози го одржаа попладнето пред одржувањето на концертот, а студентите беа презадоволни од можноста да учат гитара од едни од најдобрите гитаристи на овие простори. Мастрекласот се одржа во Домот на културата во Штип, а вечерта двајцата виртуози одржаа незаборавен концерт за штипската публика. Во преполната сала на Домот на културата двајцата гитаристи беа дочекани со огромен аплауз.

Познатото трио „Grazioso“, во состав м-р Кристина Палија (сопран), д-р Невенка Трајкова (пијано) и Менка Богоевска (виолина), по настапите низ Словенија, Австрија, Шпанија и Бугарија, неодамна ја претставија Р. Македонија и на турнеја на сцените низ Мароко. Тие се први претставници од областа на културата кои настапиле на сцените низ Мароко, ни соопштија од Амбасадата на Мароко во Софија.

Студентите од ТТФ заедно со професорката Ванѓа Димитријева-Кузманоска учествуваа со свои изработки на влашки носии на Интернационалната изложба на традиционални костими во Кампулунг, Романија, организирана од Меѓународната асоцијација „Нику Хаџи“ и Букурешкиот универзитет. Тие добија признание за посебен придонес  во реализацијата на оваа изложба и покана за учество на Меѓународната изложба за дизајн на костими за автоматски трки, која ќе се одржува во јули во Романија.