Приказ на предметите според таг: umetnost
Kонцерт на гудачкиот квартет на Ансамблот „Контемпора” на ФМУ во Штип
Во рамките на Фестивалот на современа балканска музика, кој ќе се одржи во Штип во организација на СОКОМ и Музичката академија при Универзитетот „Гоце Делчев“ - Штип (поддржан од Министерството за култура на Р. Македонија), ќе настапи Ансамблот за современа музика на СОКОМ „Контемпора“ со три целовечерни концерти.
Концерт по повод 135 години од раѓањето на Бела Барток
Музичката академија на УГД во соработка со Aмбасадата на Унгарија во Р.Македонија, а во рамките на фестивалот „Есенски музички свечености“, организираше концерт по повод 135 години од раѓањето на композиторот Бела Барток. По повод организацијата на овој концерт, на Музичката академија престојуваше и амбасадорот на Унгарија во Р.Македонија, н.е. Ласло Дукс.
Успешен настап на професори од Музичка академија на Фестивалот „Есенски музички свечености“
Во рамките на Фестивалот „Есенски музички свечености“ во Музеј на Град Скопје се одржа концерт по повод 135 години од раѓањето на унгарскиот композитор Бела Барток (1881 – 1945). На концертот настапија и професори од Музичката академија при Универзитетот „Гоце Делчев“: Златка Митева – флејта, Бранко Павловски – кларинет и Наташа Трбојевиќ – пијано, кои се претставија со варијации на тема „Braul“ по Барток од американскиот композитор Sean Michael Solomon (1945).
Концерт на Музичката академија во Штип
Студентите Елена Ефремова и Петар Трбојевиќ во среда, 9 ноември, ќе одржат целовечерен концерт на Музичката академија со почеток во 18 часот. На концертот тие ќе изведат дела за пијано од Бах, Бетовен, Григ, Скрјабин, Брамс и Симоноски.
Елена Ефремова е апсолвент во класата по пијано на проф. д-р Емилија Потевска-Попивода, а Петар Трбојевиќ е апсолвент во класата по пијано на проф. д-р Милица Шкариќ. Концертот ќе се одржи во концертната сала на Музичката академија во Штип.
(Видео) „Жените од Балканот во џезот“ на концерт во Штип
„Жените од Балканот во џезот“ на љубителите на џез музиката во Штип ќе им понудат ретка можност да уживаат во квалитетен џез звук, кој ќе биде изведен од „New spark jazz orchestra”, оркестар составен од жени од Македонија, Србија и Црна Гора. Овој проект е поддржан од Универзитетот „Гоце Делчев“, а концерти, покрај во Штип на 7 ноември (во 20.30 часот во Мултимедијалниот центар на УГД), ќе се одржат и на 6 ноември во Битола, на 9 ноември на Новосадскиот џез фестивал и на 11 ноември во Белград.