Приказ на предметите според таг: studenti

Тројца студенти од Универзитетот во Орадеа во изминативе неколку месеци се на практична настава во Македонија, односно на Универзитетот „Гоце Делчев“. Студентите имаа практични предавања во лабораториите на Земјоделскиот факултет при УГД, а голем дел од својот тримесечен престој го поминаа и во индустриски капацитети и компании со кои УГД има склучено договор за соработка.

Две студентки од Филолошкиот факултет - Катедра за германски јазик и книжевност, Роберта Костадиновска и Николина Лукароска, благодарение на стипендијата ДААД добија можност ова лето да заминат во Германија, каде што посетуваа едномесечен курс за изучување на германскиот јазик. Станува збор за стипендија што ја доделува Германската служба за академска размена, наменета за сите студенти кои се во втора и трета година студии, со предуслов да го познаваат германскиот јазик.

16-тото издание на студентскиот весник „Студентско ехо“ неодамна излезе од печат. Студентскиот весник во ова издание информира за корејскиот камп што се одржуваше на Универзитетот, за развојот на науката меѓу студентите и за првата студентска конференција, а воедно и за екстремниот велосипедизам како тренд меѓу младите.

Во изминатиот период студентите од Факултетот за туризам и бизнис логистика учествуваа на Меѓународната студентска конференција во Шибеник, Република Хрватска, која беше на тема „Култура и односи со јавноста во туризмот“,  во организација на Универзитетот во Шибеник.

Реномираната професорка и преведувачка со долгогодишно искуство проф. д-р Силвана Симоска од Катедрата за германски јазик и книжевност на Филолошкиот факултет „Блаже Конески“ при Универзитетот „Св. Кирил и Методиј“ – Скопје одржа предавање пред студентите на Катедрата за германски јазик и книжевност на Филолошкиот факултет при Универзитет „Гоце Делчев“ - Штип на тема „Die Wortbildung als kreativer Sprachprozess“ (Зборообразувањето како креативен јазичен процес).