Приказ на предметите според таг: umetnost

Во фоајето на Центарот за култура „Ацо Шопов“ – Штип, непосредно пред почетокот на Свечената академија по повод 10 години УГД, беше отворена Изложба на студентски фотографии. Фотографиите се дел од пристигнатите на Конкурсот кој УГД го распиша по повод јубилејот, на тема „Мојот универзитет“.

Со концерт на Емилија Потевска започна манифестацијата „Уметничка пролет“ на Универзитетот „Гоце Делчев“ во Штип. Оваа манифестација се одржува по вторпат и е во рамките на одбележувањето на јубилејот 10 години УГД. Потевска во Мултимедијалниот центар изведе композиции од македонскиот автор Димитрие Бужаровски, кои се базирани на македонски народни теми. Практично, македонските народни песни обработени во класична пијано верзија, со примеси на џез, експресионизам, импресионизам...

Во рамките на одбележувањето на јубилејот Десет години УГД ќе се одржи и манифестацијата „Уметничка пролет“, која годинава ќе започне со концертот на пијано на Емилија Потевска-Попивода, во четврток, 16 март, со почеток во 19 часот.

Музичката академија при Универзитетот „Гоце Делчев“ – Штип организира концерт на Оперниот ансамбл на Уметничката академија во Осиек. Концертот ќе се одржи во понеделник (20.2.2017 година) во Мултимедијалниот центар на УГД, со почеток во 19 часот.

Најголемата париска знаменитост, Ајфеловата кула ќе се реконструира во следните 15 години. Тоа не значи дека кулата ќе биде затворена за посетителите, бидејќи работите ќе се изведуваат постепено.