УГД Живот
Ректорот на УГД проф. д-р Блажо Боев денес потпиша Меморандум за соработка со претставничката на УНХЦР во Северна Македонија, Моника Сандри. Меморандумот се однесува на меѓусебна соработка во областа на меѓународното право со особен акцент на миграциите и бегалците.
- Овде сме на почетокот на нашата соработка и навистина сме импресионирани колку е активен универзитетот во делот на миграции и заштита на бегалци. Навистина се надевам дека ќе ја продлабочиме оваа соработка во иднина - изјави претставничката на УНХЦР, Моника Сандри.
Во понатамошната соработка меѓу УНХЦР и УГД најголем придонес ќе имаат Правниот факултет и Филолошкиот факултет.
- Го потпишавме Меморандумот за соработка со цел да ја официјализираме нашата соработка во однос на научните истражувања и научниот придонес кој може да го даде УГД во делот на миграциите и азилот, како особено интересните теми кои се денес многу важни за истражувања - изјави деканката на Правниот факултет, проф. д-р Олга Ѓуркова-Кошевалиска.
Правниот факултет е значително активен во истражувањата на овие теми и досега имаат низа проекти токму на оваа тема. Моментално работат на пет проекти кои се поврзани со миграции, азил и слично.
Натамошните истражувања што ќе ги прават Правниот факултет и Филолошкиот факултет при УГД ќе бидат во тесна соработка со УНХЦР, а тоа ќе им даде поголемо значење на проектите.
Правниот факултет при Универзитетот „Гоце Делчев“ – Штип по осми пат ја одржа Меѓународната научна конференција „Општествени промени во глобалниот свет“.
Шестата меѓународна научна конференција „ФИЛКО“ (Филологија, култура и образование) ќе се одржи на 18 и 19 октомври 2021 година на Филолошкиот факултет при Воронешкиот државен универзитет (Русија) во онлајн-режим.
Универзитетот „Гоце Делчев“ заедно со повеќе универзитети во Франција, Италија, Германија, Русија, Грција и Бугарија е дел од меѓународен проект од програмата „Жан Моне“ на Европската Унија.
Универзитетот „Гоце Делчев“ – Штип и Дирекцијата за технолошки индустриски развојни зони воспоставуваат потесна соработка, врз основа на Договорот за соработка кој во Штип го потпишаа ректорот на УГД, проф. д-р Блажо Боев и директорот на ТИРЗ, Јован Деспотовски.
- Ова е прв чекор кон отворање на нови можности и перспективи за младите луѓе во државата, доволно се зборуваше во изминатиот период што е тоа што треба да се направи за младите за да се обидеме да ги задржиме како држава и да им обезбедиме пристојни, добри, европски услови за живеење тука. Еден од начините секако е да отвориме перспектива за стабилни работни места и она што е многу важно, добро платени работни места. Меморандумот не е крајното решение, но е добар чекор во тој правец, ќе продолжиме и со останатите и државни и приватни универзитети да развиваме ваква соработка, меѓутоа благодарност до УГД и за иницијативата да бидат први со кои ќе воспоставиме соработка. Соработката подразбира заеднички да работиме на отворање на можности за практична работа за студентите, стекнување на вештини, второ да искомуницираме за сите можности кои стојат на располагање, бидејќи пред нас се нови инвестиции, од почетокот на годината се реализирани во вредност од над 120 милиони евра, кои треба да отворат близу 2000 работни места, а инсистираме и работиме на тоа платите на тие работни места да се над просекот во државата и тие можности треба да им се понудат на младите тука, на сите студенти кои се на УГД. Нормално, размислуваме и како факултетите, академската заедница да се вклучат повеќе во компаниите во зоните, бидејќи се меѓународни компании. Настојуваме, со дел од новите мерки кои ги воведуваме, тие компании да донесат научноистражувачки активности тука, а со тоа и универзитетите во државата ќе имаат можност да добијат парче од колачот што се создава во зоните. Зоните учествуваат со близу 50% во вкупниот извоз, така што има многу можности за соработка – изјави директорот на ТИРЗ, Деспотовски.
По потпишувањето на Меморандумот, ректорот Боев изјави:
- Имаме допирни точки во соработката со ТИРЗ и затоа потпишавме Меморандум за соработка за да можеме на нашите студенти да им овозможиме влез во компаниите во овие зони, кои се генератор во развојот во Македонија и мислам дека доминантниот дел од приходите во државата се реализира таму. Затоа мислам дека е многу важно Универзитетот да соработува со ТИРЗ за да можеме на нашите студенти да им овозможиме влез и работа во тие компании, и да најдат не само вработување, туку и да добијат солидни плати со кои солидно ќе се живее и развива едно семејство и младите да можат иднината да си ја најдат овде.
Иако голем дел од пријавувањето на новите студенти се одвива онлајн, од денес до 27 август ќе бидат отворени уписните места за достава на документите од страна на идните студенти. Електронскиот систем е отворен од 1 јули за поднесување на документите, а студентите во време кое ним им одговара може да ги достават документите.
Министерката за образование и наука, Мила Царовска, денеска на средба со студентите од Универзитетот „Гоце Делчев“ ги презентираше мерките и новините кои Министерството за образование ги воведе во однос на студентите.
