Ректорот на Универзитетот „Гоце Делчев“ проф. д-р Блажо Боев заедно со градоначалникот на Штип Илчо Захариев денеска симболично засадија дрво во близина на Ректоратот на УГД и свечено го одбележаа почетокот на годинашната акција „Ден на дрвото“ која ќе се одвива утре.

Универзитетот „Гоце Делчев“ од денес започнува со посета низ средните училишта во Република Македонија. Ова е дел од активностите за претставување на Универзитетот пред неговите идни студенти.

Обновливите извори на енергија беа тема на трибината која на Кампус 2 на УГД се одржа во организација на Советот на млади на Општина Штип.

Студентите од прва година на Филмската академија направија видеозапис од активностите кои УГД ги организираше по повод Денот на науката.

Студентите од насоката Преведувачи и толкувачи од Филолошкиот факултет имаат можност да учествуваат на Kонкурсот на Наградата за најдобар млад преведувач „Вавилон“, која ја основа Здружението на преведувачи на Македонија.

На Филолошкиот факултет при Универзитетот „Гоце Делчев“ – Штип се одржа предавање во организација на Турскиот културен центар „Јунуз Емре“ во Скопје. Пред студентите од Катедрата за турски јазик и книжевност, предавање за делата на писателот Омер Сејфетин одржа професорот Фарук Тезгин во Анкара. Ова, според директорот на Турскиот културен центар „Јунуз Емре“, е потврда дека се воспоставува одлична соработка со Филолошкиот факултет.