УГД Живот
Зградата на Ректоратот на Универзитетот „Гоце Делчев“ и годинава го доби признанието за најдобро декориран јавен објект за Нова година. Традиционално ова признание го доделува Општина Штип. Признанието од страна на градоначалникот го прими Дијана Насева, претставник на УГД.
Во просториите на УГД ТВ, а во соработка со истражувачката мрежа Скуп Македонија, неодамна се одржа дебата на тема „Нови и етаблирани медиуми за борба против лажните вести и корупцијата“ .
Во стратегијата за развој на УГД во периодот што претстои се става акцент на подигнување на квалитетот на образовниот процес, што треба да придонесе кон значително подобрување на можностите на завршените студенти да се реализираат на пазарот на трудот. Со други зборови, се зазема нов правец во поставеноста на институцијата која повеќе нема да биде место на обичен пренос на знаење, туку ќе им дава можност на дипломците и научноистражувачките тимови да имаат блиска соработка со стопанството.
Универзитетот „Гоце Делчев“ – Штип и компанијата „Зегин“ потпишаа Меморандум за соработка, со кој се отвораат можности за соработка и стипендирање на студенти од насоката Фармација на Факултетот за медицински науки, но и од други насоки и факултети. Меморандумот го потпишаа ректорот на УГД, академик проф. д-р Блажо Боев, и Катерина Котларевска-Маневска од „Зегин“, а за бенефитот и очекувањата од него говореа Маја Бибановска, одговорна за Фондацијата „Д-р Верица Механџиска“, и ректорот Боев.
Во новогодишното интервју за Универзитетската телевизија УГД ТВ и за Универзитетското радио УГД ФМ, ректорот на Универзитетот „Гоце Делчев“ – Штип, академик проф. д-р Блажо Боев, направи ретроспектива на најзначајното во сферата на високото образование во годината што изминува, а говореше и за очекувањата во 2019 г. со оглед на новините кои се воведуваат во високото образование:
Факултетот за туризам и бизнис логистика, во соработка со Фондацијата „Аполонија“, на 17 и 18 декември во Пионерски дом во Гевгелија организираше Хуманитарен новогодишен базар, со цел собирање средства за програмата „Дејвид ван дер Веге – социјализација на децата со посебни образовни потреби од Гевгелија“.
Скопје танцов театар во соработка со УГД ќе се претстават со современа танцова претстава во Мултимедијалниот центар на УГД. Претставата ќе се одигра на 14 декември (петок) во 19 часот.
