УГД Живот
Серијата семинари на научни, но и популарни теми на Факултетот за медицински науки при Универзитет „Гоце Делчев“ – Штип продолжи со Семинарот од областа на невронауките, кој предизвика големо внимание кај студентите. Деканот на ФМН, проф. д-р Рубин Гулабоски, истакна дека е чест за ФМН што професори од различни области, од електрохемија, од невронауки и од психологија, на крај ќе дојдат до заеднички заклучоци.
Како и во претходната година, така и годинава студентите од Факултетот за туризам и бизнис логистика во соработка со Студентскиот парламент при УГД ја организираа втората по ред Меѓународна конференција и работилница за студенти на туризам и бизнис логистика.
Факултетот за туризам и бизнис логистика на 20 октомври годинава по првпат го организираше гастрономскиот настан „Вкуси ја Гази Баба“ во просториите на наставниот центар на УГД во Скопје.
Доц. д-р Тања Ангелкова-Петкова и ас. м-р Цветанка Ристова учествуваа на VIII Меѓународна конференција за здравствена, велнес и спа индустрија што се одржа на 19 и 20 октомври 2017 година во археолошкиот парк Виминациум, Костолац, „Domus Scientiarum Viminacium“, во Србија. Конференцијата беше организирана од Кластерот за здравствен, велнес и спа туризам на Србија, со поддршка на ЦЕИ (Централна европска иницијатива) и институционална поддршка од Министерството за трговија, туризам и телекомуникации, како и Агенцијата за развој на Србија.
Факултетот за туризам и бизнис логистика на 24 и 25 октомври ја организираше својата Прва меѓународна научна конференција на тема „Предизвици во туризмот и бизнис логистиката во 21 век“ во Хотел „Аполонија“ во Гевгелија.
Во организација на Катедрата за германски јазик на Филолошкиот факултет при Универзитет „Гоце Делчев“ – Штип, почесниот конзул на Република Австрија во Република Македонија, д-р Валентина Илиева, одржа предавање на тема „Австрискиот национален празник“ по повод националниот празник на Австрија - 26 октомври.
Денот на македонската револуционерна борба, 23 октомври, беше одбележан со полагање на цвеќе и одавање почит пред споменикот на Гоце Делчев во Градскиот парк во Скопје.
