Ректорот на УГД, проф. д-р Блажо Боев, и заменик-министерот за образование, Спиро Ристоски, денеска го посетија новиот спортски терен лоциран во универзитетскиот спортски комплекс, каде што е лоцирана Спортската сала „Јордан Мијалков“. Станува збор за инвестиција на УГД со која на студентите им се става на располагање повеќенаменско спортско игралиште, со покриени трибини и осветлување за организирање на натпревари во вечерните часови.

Вкупно 45 студенти од правните факултети при Универзитетот „Гоце Делчев“ во Штип, Државниот универзитет во Тетово, Универзитетот „Св. Кирил и Методиј“ во Скопје, Универзитетот „Св. Климент Охридски“ во Битола и Универзитетот на Југоисточна Европа во Тетово учествуваа на првата Летна школа по кривично право и човекови права.

Десетина студенти предводени од професори традиционално во посета на Универзитетот „Гоце Делчев“. Станува збор за студенти од Медицинскиот факултет во Самара, Русија, со кого УГД долги години има соработка и разменува студенти. Тие денес беа примени од ректорот на УГД проф. д-р Блажо Боев, при што разговараа за соработката меѓу двата универзитета и идните планови.

Продолжуваат уписите на сите факултети и академии при Универзитетот „Гоце Делчев“ во Штип. Според зборовите на проректорот за настава на УГД, доц. д-р Кирил Барбареев, бројките се задоволителни. Досега близу 1.300 кандидати во првите два дена ги поднеле своите документи и пројавиле интерес да бидат дел од УГД.

Околу 1.000 пријавени кандидати во првиот ден од првиот уписен рок на сите факултети и академии на УГД. Проректорот за настава на УГД доц. д-р Кирил Барбареев изјави дека бројките на студенти и уписите течат според планираното.

Во пресрет на првиот уписен рок за запишување на студенти во академската 2016/2017 година, Универзитетот „Гоце Делчев“ – Штип учествуваше на промотивен настан, кој го организираше Советот на млади – Кавадарци.