Универзитетот „Гоце Делчев“ – Штип учествуваше на шестото издание на манифестацијата „Технички саем“, која ја организира Средното стручно училиште „Наце Буѓони“ во Куманово. На оваа манифестација учениците од повеќе профили презентираа свои изработки, при што посетителите на саемот можеа да ги разгледаат достигнувањата од областа на роботиката, биологијата и машинството.

Од 9 до 11 јуни годинава по вторпат се организира настанот „Алшар 2017 – Допри го сонцето“. Со тоа овој во 2016 година најпосетен настан за планински велосипедизам, планинарење и планинско трчање веќе станува традиција која ја негува клубот „Тиквешки точкаџии“.

Универзитетот „Гоце Делчев“ на Отворен ден во Скопје ги претстави студиските програми и можностите и условите за студирање на факултетите и академиите кои работат во негов состав. На штандови поставени на плоштадот „Македонија“, заинтересираните средношколци како и сите останати граѓани можеа да ги добијат сите потребни информации.

Амбасадорот на Италија во Република Македонија, Карло Ромео, денес беше во посета на УГД и истакна дека соработката меѓу Амбасадата на Италија и УГД ќе се зголемува, а тоа ќе резултира со повеќе студиски програми кои ќе вклучуваат изучување на италијанскиот јазик.

Одбојкарскиот клуб на Универзитетот „Гоце Делчев“ на завршниот турнир, кој се одржа во Струмица, го освои второто место во младинска конкуренција. Клубот на УГД во полуфиналето ја совлада екипата на Борец од Велес со 2:0 во сетови, а во финалниот меч загуби од екипата на Струмица со резултат од 3:0.

Правeн факултет при УГД го одбележа 9 мај - Денот на Европа. На ова одбележување беа промовирани книги, се одржа предавање пред студентите на Правен факултет, како и изложба на студентите на Ликовна академија на тема „Човекови права, говор на омраза и антидискриминација“.