Најдобриот млад научник за 2014 година, Даниел Денковски, одржа предавање на Електротехничкиот факултет при УГД.

Ректорот на УГД проф. д-р Блажо Боев го прими најдобриот млад научник за 2015 година м-р Даниел Денковски, кој одржа предавање пред студентите од Електротехничкиот факултет.

Студентите на Правниот факултет при УГД ги вкрстија своите аргументи на тема Устав и споредба на уставите на повеќе држави. Дебатата се одржа во просториите на УГД - Кампус во Струмица, каде што активно учествуваа студентите од прва година на Правен факултет под менторство на проф. Светомир Шкариќ.

Хуманоста на прво место ја ставаат Универзитетот „Гоце Делчев“ и Младинскиот клуб во Штип, со организирање на хуманитарна акција под мотото „Мала радост“ - наменета за децата од Детското одделение при Клиничката болница во Штип, децата од социјално загрозените семејства, како и од Државното средно училиште за образование и рехабилитација „Искра“ во Штип, на кои ќе им бидат подарени детски играчки.

Денови на симулирано судење се организираа на Правниот факултет во Штип, по првпат, со намера да станат традиционални и да се одржуваат секоја година во декември, и во иднина да имаат натпреварувачки карактер.

Во рамките на соработката на Земјоделскиот факултет при Универзитетот „Гоце Делчев“ во Штип и Институтот по земјоделие во Карнобат (Бугарија), студентите и стручниот кадар на Земјоделскиот факултет имаа можност да проследат предавање на тема „Влијанието на абиотските фактори (студ и суша) врз развојот, растот и приносот кај житните култури (област физиологија на растенија)“. Предавач беше проф. д-р Драгомир Валчев, директор на Институтот за земјоделие во Карнобат.