УГД Живот
Универзитетот „Гоце Делчев“ – Штип одбележува 10 години од своето основање. Јубилејот се одбележува со низа манифестации, кои започнаа со полагање цвеќе пред споменикот на Гоце Делчев пред Ректоратот на УГД, каде реч за Гоце Делчев одржа доц. д-р Кирил Барбареев, проректор за настава на УГД. Ректорот проф. д-р Блажо Боев изјави дека десет години не е голем период за постоење на една високообразовна установа, но е доволен да се потврди таа со квалитетот и основаноста за нејзиното постоење.
Со финалните натпревари заврши Универзитетската спортска недела на УГД, во која студентите се натпреваруваа во пинг-понг, мал фудбал, баскет, одбојка и ракомет.
„Филолошкиот факултет денеска дава свој придонес во чествувањето на нашиот патронен празник, 10 години од постоењето на УГД. Имаме чест да ви го претставиме светски познатиот, а сепак наш, Венко Андоновски. Мислам дека неговото име доволно говори кој е тој“, го најави деканката на Филолошкиот факултет доц. д-р Драгана Кузмановска гостувањето на професорот и писател Венко Андоновски пред студентите на Филолошкиот факултет и на останатите факултети на УГД, учениците од штипските училишта, како и другите заинтересирани штипјани.
Во рамките на одбележувањето на јубилејот Десет години УГД ќе се одржи и манифестацијата „Уметничка пролет“, која годинава ќе започне со концертот на пијано на Емилија Потевска-Попивода, во четврток, 16 март, со почеток во 19 часот.
Ректорот на УГД, проф. д-р Блажо Боев, на средбата со новинарите ги најави активностите за одбележување на јубилејот – 10 години од основањето на УГД и најави дека императив во наредниот период ќе биде негово подмладување.
Филолошкиот факултет при УГД во соработка со Здружението на преведувачи на Република Македонија организираше практична работилница со студентите од овој факултет.
Реториката, културата на говорот, како и убавиот пишан збор беа во центарот на вниманието на студентите на Филолошкиот факултет при УГД, преку средбата што ја имаа со поетот Стојан Тарапуза и проф. д-р Кристина Николовска од Катедрата за македонска книжевност и јужнословенски книжевности при Филолошкиот факултет „Блаже Коневски“ во Скопје.
